موضوع اليوم
،، الصمت داخل الاسره
اخطر من المشاكل ،
التعريف ❤️
.. انا دكتور كيرلس ثابت استشاري صحه نفسيه وارشاد اسري وتربوي..
وبشتغل علي فكره بسيطه جدا
:: ان البيت ممكن يكون سبب الشفاء او سبب الجرح
:: وهدفي أساعد الناس تفهم نفسها وتعيش بسلام
،، خليني ابدا بجمله يمكن تلخص مشاكل بيوت كتير ،،
👈
مش كل بيت هادي. مريح
.. ومش كل بيت في مشاكل.فاشل
.. في بيوت بتتكلم وبتتعب. لكنها بتتعافي
.. وفي بيوت ساكته لكنها بتنهار
علشان كده انا ديما بقول ان الصحه النفسيه تبدا من البيت مش من العياده
🌹 س١ : في البدايه عاوز اعرف من حضرتك اخطر مشكله نفسيه بتواجه الاسره في وقتنا الحالي ؟
ج:
اخطر حاجه مش الخلافات
اخطر حاجه هي الصمت العاطفي
لما الناس تبطل تحكي ايه
العلاقات تبدا تموت بهدوء ،،
س٢ : مصطلح ” الصمت العاطفي”. بقي بيتكرر كتير جدا .. ممكن توضح لينا يعني ايه ؟
ج :
الصمت العاطفي هو انك تعيش مع حد لكن مش حاسس بيه
.في كلام. لكن مفيش مشاعر
.. في وجود لكن مفيش احتواء
س٣ هل فعلا الصمت ممكن يكون اخطر من المشاكل الواضحه والخلافات ؟ وليه ؟
ج:
طبعا.
لان المشكله بتطلع بره فتتصلح
لكن
الصمت بيستخبى جوه فيكسر العلاقه بدون صوت ،،
س٤. ازاي اي شخص يقدر يلاحظ إن بيته فيه خلل نفسي او فجوه في العلاقه ؟
ج:
لو بقي فيه كلام قليل
اهتمام قليل
كل واحد في عالمه
اعرف ان في مسافه بدات تكبر
س٥ : إيه تأثير الصمت العاطفي ده علي الاطفال داخل الاسره ؟
ج :
،، الطفل مش بيسمع بس الطفل بيشعر
ممكن ما يشوفش خناقه
،، لكن يحس انه مش محبوب. وده اخطر اخطر بكتير
س٦. ليه بعض الأزواج بيفضلوا السكوت بدل مابعبروا عن مشاعرهم ؟
ج:
،، لأنهم اتربوا ان التعبير ضعف
بس الحقيقه ؟
اللي ما بيعرفش يتكلم بيكسر اللي قدامه بدون ما يقصد ،،
س٧. من وجهه نظرك.. إيه أول خطوه حقيقيه للإصلاح بين الطرفين ؟
ج:
،، جمله بسيطه جدا
انا متضايق وعايز اتكلم
الصراحه بدايه العلاج ،،
س٨. هل الاعتذار في العلاقه ضعف ولا قوه ؟ وازاي الناس تفهمه بشكل صح ؟
ج:
الاعتذار ليس ضعف
الاعتذار قوه ونضج
اللي يعتذر بيحافظ علي العلاقه
مش بيقلل من نفسه ،،
🌹🌹 اخيرا رساله لكل بيت 🌹🌹🌹🌹🌹🌹🌹
❤️ البيت مش محتاج يكون مثالي بس محتاج يكون في قلب يبقى بيسمع وقلب بيتكلم
.. لان
الصمت ممكن يهدي العاصفه
لكن عمره مايبني حياه
ماتستناش العلاقه تبرد علشان تتحرك
❤️ الحب محتاج صيانه يوميه
واحيانا كلمه بسيطه تنقذ بيت كامل من الانهيار
🔚 النهايه
في النهايه البيت مش مكان نعيش فيه وخلاص
.. البيت مكان نتشاف فيه
مكان نتحب فيه
مكان نتحس فيه
لو
فقدنا الاحساس فقدنا كل شيء
ولو رجعناه. رجعنا الحياه
🌹🌹
د. كيرلس ثابت
استشاري صحه نفسيه وارشاد اسري وتربوي
وسفير الصحه النفسيه
Leave a Reply